LALAKI, BINUGBOG NG KAINUMAN

Sugatan ang isang 37 anyos na lalaki matapos na bugbugin ng kainuman sa Sitio. Kipot Brgy. Manocmanoc, Boracay, alas 10;00 kahapon ng umaga.

Nakilala ang biktima na si Noli Solis Frodoza, residente ng SItio Bantod Brgy. Manocmanoc, Boracay.

Samantala nakilala naman ang mga suspek kay Noel Perez Giray, 49 anyos at Jophel Garcia Sedenio, 31 anyos pawang residente ng nasabing lugar.

Ayon sa biktima nag inuman sila ng suspek sa isang boarding house at pagkatapos ay nag-aya pa umano ito na ipagpatuloy ang inuman sa isang bar at sa kalagitnaan ng kanilang kasayahan nagkaroon sila ng mainit na diskusyon ng suspek na nagresulta ng pambubogbog ng mga suspek sa biktima.

Nakatakda namang magharap harap sa baranggay ang mga sangkot sa nasabing gulo.