Bahay ng Teacher, nasunog

Ibajay, Aklan – Tinupok ng apoy bandang alas 11:00 kagabi ang bahay ng isang guro sa Purok 1, San Jose, Ibajay.

Kinilala ni Fire Officer 1 Nico Gopez ng BFP Ibajay ang may-ari ng bahay na si Maribel Tubo na isang public school teacher.

Bagama’t nagpapatuloy pa ang imbestigasyon, nabatid na inubos ng apoy ang nasabing bahay na gawa sa mixed materials at nag-iwan ng tinatayang P400, 000.00 na pinsala.

Kaliwa’t kanan ang pagpapaalala ng mga taga Bureau of Fire sa publiko na maging maingat lalo na pumasok na ang buwan ng Marso na tinaguriang Fire Prevention Month.