Electric fan, itinuturong sanhi ng sunog sa bahay ng guro sa Ibajay

Nakasaksak na electric fan ang itinuturong sanhi ng pagkasunog ng bahay ng isang guro nitong nakaraang gabi sa Purok 1 San Jose, Ibajay.

Ayon kay FO1 Raymond Luce ng BFP Ibajay, mismong ang anak ng guro ang nakaamoy ng usok sa loob mismo ng kanilang kuwarto hahang natutulog sila ng gabing iyon.

Malaki na umano ang apoy nang magisnan nila, kung kaya’t minarapat na lamang nilang lumabas ng bahay.

Samantala, base pa sa inisyal na imbestigasyon, pinaayos pa nila ang electricfan at ginamit, subali’t naging sanhi naman ng pagkasunog ng kanilang bahay.