Lasing na motorista, naaksidente

Kalibo – Sugatan ang isang lasing na rider ng motorsiklo matapos maaksidente pasado alas 9:00 kagabi sa V. Andrade Road, Tigayon, Kalibo.

Nakilala ang biktimang si Rocel Magno, 46 anyos ng Purok 3, Bulwang, Numancia.

Base sa imbestigasyon ng Kalibo PNP, aksidenteng nadulas ang motorsiklo rason ng kanyang pagkatumba.

Dahil dito, nagtamo ng sugat sa ulo at iba pang parte ng katawan ang biktima na kaagad namang dinala ng mga taga MDRRMO sa provincial hospital.

Napag-alamang pauwi na sana ang biktima nang mangyari ang insidente.