20-anyos na babae nagbiti, patay sa kanilang bahay sa Pontevedra, Capiz

Patuloy pang iniimbestigahan ngayon ng Pontevedra PNP ang pagkamatay ng isang 20-anyos na babae sa Brgy. Tabuc, Pontevedra, Capiz.

Batay sa paunang imbestigasyon, una siyang nakitang nakabigti ng kaniyang kapatid na babae na isang Grade 9 student.

Galing sa eskwelahan ang kapatid, umuwi ito para mananghalian nang sa hindi inaasahan ay laking gulat nito nang maabutang nakabigti na ang kaniyang ate.

Napag-alaman na nasa bayan pa ng Maayon ang parehong magulang nila para magbisita sa kanilang maisan roon.

Wala pang inisyal na impormasyon kung ano ang dahilan ng pagpapakamatay ng biktima.