Aklan News
DOT: Recovering flights para sa mga dayuhang stranded sa Boracay patuloy
Patuloy ang pagrekober ng mga flights ang Department of Tourism (DOT) para sa mga dayuhang na-stranded sa Boracay Island, at iba pang tourist destination sa bansa dahil sa travel restriction na dulot ng COVID-19.
Batay sa ulat, wala pang eksaktong araw kung kailan maililipad sa Maynila ang nasa 520 na turista sa Boracay at higit 400 sa Siargao Island para makalipad pabalik sa kani-kanilang bansa.
Ayon kay Tourism Undersecretary Arturo Boncato Jr., na nairehistro na sa online database ang mga turista para agad maabisuhan kung sila ay makaaalis na.
Inaasikaso na umano ng DOT ang special flights sa lalong madaling panahon.
Kakailanganin ang nasa limang flights para matulungan ang mga stranded na turista sa rehiyon kung 180-seater plane ang gagamitin.
Na stranded ang mga dayuhan matapos masuspende ang mga domestic flights bilang hakbang ng gobyerno para maiwasan ang pagkalat ng COVID-19.
Sa Western Visayas, nakapagtala ang DOT regional office ng halos 1000 stranded na turista.
