HEPE NG BORACAY/MALAY BFP, ITINANGGING NAKASALAMUHA ANG COVID POSITIVE

Malay, Aklan – Itinanggi ni FSInsp. Lorna Parcellano, kasalukuyang hepe ng BFP Malay, na nakasalamuha niya ang mga BFP personnel kasama si WV 144 nang pumunta ang mga ito sa Boracay noong nakaraang linggo.

Iginiit ni Parcellano na nakalabas na siya ng isla umaga pa pa lang noong June 12 o bago paman dumating sa hapon mula sa Iloilo ang Covid 19 positive na BFP personnel.

Dahil dito, hindi nakasama sa mga naka-quarantine na BFP personnel sa Boracay si Parcellano.

Ayon pa sa BFP Chief, hindi sya ang nag arrange ng hotel sa Boracay kundi si Regional Director SSupt Roderick Aguto mismo at hinatid nya lang ang mga ito noong June 11.

Itinanggi ni Parcellano na kasama sya sa mga nagparty sa HUE Hotel kung saan nag stay ang mga taga BFP Region hanggang June 14.