PDU30, MAG-AANUNSYO NG BAGONG QUARANTINE STATUS BUKAS HUNYO 30

I-aanunsyo bukas ni Pangulong Rodrigo Duterte, Hunyo 30 ang kanyang desisyon kung babawiin, i-extend o i-modify ang community quarantine /lockdown measures na ipinapatupad sa bansa dahil sa COVID 19 pandemic.

Ito ang ipinaalam ni Presidential Spokesperson Harry Roque sa online briefing kanina.

Nauna ng ipinahayag ni Roque na ipinaalam na ng COVID 19 task force ang mga local government units ng kanilang quarantine classifications pagkatapos ng Hunyo 30.

Ang nasabing rekomendasyon ayon kay Roque ang ipipresenta sa presidente para aprobahan.