4 na nagto-tong-its, arestado sa Caticlan

MALAY – Hindi nakapalag ang apat na lalaki nang dakpin ng mga kapulisan matapos maaktuhang naglalaro ng tong-its sa Brgy. Caticlan, Malay, Aklan.

Ang mga inaresto ay kinilalang sina Jordan Alcaraz, 37, ng Brgy. Tigayon, Kalibo; Rico Villadarez, 59, ng So. Kulawin, Brgy. Pudiot, Tangalan; Hamlet Tilar, 49, ng Brgy. Pudiot, Tangalan; Jessie Pelaro Jr., 39, ng Brgy. Pudiot, Tangalan.

Sa ulat ng Malay PNP, nadakip ang apat sa isinawagang anti-gambling operation kahapon kung saan nakumpiska ang ginamit na baraha at P650 na pusta.

Kakasuhan ang apat ng paglabag sa Anti-Illegal Gambling Law (PD 1602).