29 BRGY. OFFICIALS SA WV, SINAMPAHAN NA NG KASO SA UMANO’Y ANOMALYA SA PAMIMIGAY NG SAP SUBSIDY

Sinampahan na ng kaso ng Criminal Investigation and Detection Group Regional Office 6 ang 29 na mga Brgy
Officials sa Western Visayas sa umano’y anomalya sa distribusyon ng Social Amelioration Program (SAP) subsidy.

Ayon kay Lt. Col. Gervacio Balmaceda, chief ng CIDG Regional Field Unit, sa nasabing numero, 11 Brgy. Officials dito ang mula sa Bacolod City, 5 sa Negos Occidental, 5 sa Iloilo province, 3 sa Iloilo City, tig 2 sa Capiz at Antique at 1 sa Aklan.

Lumabas sa imbestigasyon ng CIDG na may nakasamang mga nakatanggap ng ayuda na hindi kwalipikado base sa guidelines ng Department of Social Welfare and Development (DSWD) para makatanggap.