DUTERTE INAPRUBAHAN ANG LIMITED FACE-TO-FACE CLASSES SA MGA LOW RISK AREAS

Inaprubahan ni Presidente Rodrigo Duterte ang proposal ng DepEd na “limited” face-to-face classes sa mga low-risk areas.

Kinumpirma ito ni Presidential Spokesperson Harry Roque.

Paliwanag naman ni Education Secretary Leonor Briones, hindi basta-basta ang pagsasagawa ng face-to-face classes.

“Location of schools have to be assessed as low-risk. They have to be friendly to the idea of face-to-face. Kailangan din standard ang physical condition ng schools. We cannot allow schools with very small classrooms to operate,” ani Briones.

Ayon pa sa kanya pwede isagawa ang face-to-face classes isa o dalawang beses sa isang linggo.

Dagdag pa ni Briones, kailangan munang makamit ang apat na kondisyon:

1. Dapat ang lugar ay nasa modified general community quarantine
2. Pagkakaroon ng physical inspection sa mga pasilidad sa mga eskwelahan
3. Ang assessment sa mga eskwlehan
4. Mas mahigpit na health standards.

Ang klase para sa susunod na school year ay magsisimula sa Agosto 24.