WANTED SA KASONG SERIOUS PHYSICAL INJURY, ARESTADO

Banga — Arestado bandang alas 9:30 kaninang umaga sa Tabayon, Banga ang isang lalaking wanted sa kasong serious physical injury.

Nakilala ang akusadong si Ruel Peralta, sa legal na edad at residente ng nasabing lugar.

Isinilbi ng Banga PNP ang warrant of arrest kay Peralta sa ilalim ng criminal case number 3456-B na ibinaba ni Judge Hon. Lollie T. Ureta-Villaruel, 2nd MCTC Banga- Libacao-Madalag, nito lamang nakaraang Huwebes.

Pansamantala siyang ikinustodiya sa Banga PNP Station para sa karampatang disposisyon.

Pansamantala naman siyang makakalaya sakaling makapagpiyansa ng P18,000.00.