20 ANYOS NA MISTER NAGBIGTI, PATAY

New Washington – Patay na nang matagpuan pasado alas 12:00 kaninang tanghali ang isang 20 anyos na mister matapos umanong magbigti sa loob ng kanyang kuwarto sa Poblacion, New Washington.

Ayon sa New Washington PNP, posibleng sa pagitan ng alas 10:00 o alas 11:00 kaninang umaga ginawa ng hindi na pinangalanang biktima ang kanyang pagbigti gamit ang lubid na nylon, habang siya lang ang mag-isa sa kanilang bahay.

Ayon pa sa pulis, mismong ang lola ng biktima ang nakatuklas sa biktima habang nakabigti ito sa trusses ng kanyang kuwarto.

Sa kabila nito, naniniwala naman umano ang kanyang pamilya na walang ‘foul play’ sa kanyang pagpapakamatay lalo pa’t wala naman umano itong sugat sa katawan.

Sinasabing nasa dalawang araw na umano itong napansin na kanyang pamilya na tahimik o walang kibo.

Ayon pa sa report, bandang alas 9:30 kaninang umaga nang huling makita ang biktima nang bumili ito ng sigarilyo sa isang tindahan.

Pinaniniwalaang problema sa pamilya ang nagtulak sa biktima upang magpakamatay.