MOTORISTA, SUGATAN SA AKSIDENTE

Sugatan ang isang rider ng motorsiklo matapos maaksidente alas 4:00 kaninang hapon sa Laguinbanwa, East, Numancia.

Nakilala ang biktimang si Eric Tolentino, 49 anyos ng Bulwang, Numancia.

Base sa ulat ng Numancia PNP, nakamotorsiklo mula sa kanyang bahay ang biktima patungong Ibao, Lezo, ngunit lumagpas umano ito sa kurbadang kalsada at sumemplang dahilan ng pinsalang tinamo nito sa kanyang katawan.

Kaagad naman itong dinala ng mga taga PDRRMO sa ospital upang gamutin ang laceration o sugat sa kanyang kanang paa.

Amimado naman ang biktima na nakainom siya ng alak habang nagmamaneho ng motor.