Day Care Center sa Roxas City ninakawan; 2 suspek arestado

Arestado ang dalawang kalalakihan matapos umanong magnakaw sa isang Day Care Center sa Brgy. Cagay, Roxas City.

Kinilala sa report ng Roxas City PNP ang mga suspek na sina Raymark Cardona, 20-anyos, at Jayvon Aninacion, 19, mga residente ng naturang barangay.

Ayon sa kapulisan, natangay ng mga suspek ang isang stuff toy, gasul tank na may regulator at isang puzzle floor mat sa nasabing Day Care Center.

Nasa Php7,500 ang halaga ng mga ninakaw ng mga suspek.

Narekober ng kapulisan ang mga nasabing gamit mula sa dalawa sa isinagawang follow-up operation.

Pansamantalang nakakulong sa ngayon ang mga suspek sa Roxas City PNP Station at posibleng maharap sa kaukalang kaso.