PEKENG RT-PCR RESULTS, NADISKUBRE NG WVMC

NAGBABALA sa publiko ang Western Visayas Medical Center (WVMC) laban sa nadiskubreng pekeng resulta ng RT-PCR test na may logo ng ospital at Deparment of Health.

Naglabas ng pahayag ang ospital dahil sa kumalat na bogus na dokumento na may mga pekeng pirma nila Arraine Sibal, Abigail Joy Pastolero, Andres Miranda at Pierre G. Layson.

Hindi umano empleyado ng naturang pagamutan ang mga ito.

Nanawagan din sa publiko ang pamunuan ng ospital na isumbong sa mga awtoridad ang mga katulad na aktibidad upang mapanagot sa batas.