Isang electrician arestado sa buy bust operation sa Roxas City

Arestado ang isang electrician sa Brgy. Loctugan, Roxas City matapos maaktuhang nagtutulak ng iligal na droga.

Kinilala ang nasabing suspek na si Rodolfo Bengaura, 50-anyos, residente ng nasabing lugar.

Nasabat sa buy bust operation ang tatlong sachet ng pinaghihinalaang shabu, Php6,000 boodle money, Php500 na drug buy bust money at isang cellphone.

Ang operasyon ay ikinasa ng Provincial Drug Enforcement Unit ng Capiz Police Provincial Office at ng Station Drug Enforcement Team ng Roxas City PNP.

Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang suspek.