Drug surenderee kalaboso sa buy bust operation

Arestado ang isang drug surenderee sa isang buy bust operation sa Brgy. Badiangon, President Roxas, Capiz.

Kinilala ang suspek na si Albert Estrella, 44-anyos, residente ng nasabing lugar at isang brgy tanod.

Narekober sa kaniya ng operatiba ang pitong sachet ng pinaniniwalaang shabu at Php500 buy bust money.

Ang operasyon ay ikinasa ng pinagsamang mga tauhan ng Pilar PNP, President Roxas PNP, at Pontevedra PNP.

Nakakulong na ngayon ang suspek at nakatakdang sampahan ng kasong paglabag sa Republic Act 9165 o Comprehensive Dangerous Drugs Act of 2002.