TOUR GUIDE, ARESTADO SA PAGBEBENTA NG MARIJUANA

Boracay Island – Timbog ang isang tour guide sa ikinasang buy bust operation kaninang alas-5 ng umaga sa Sitio Bantud, Brgy. Manocmanoc.

Nakilala ang suspek na si Silvino Saus Jr., sa legal na edad, tubong Aslum, Ibajay at pansamantalang nakatira sa Brgy. Balabag, Malay.

Nakuha mula sa suspek ang dalawang sachet ng marijuana kapalit ng P1600 na buy bust money.

Nadagdagan pa ito ng isang sachet sa isinagawang body search.

Depensa naman ng suspek, hindi sa kanya ang nasabing marijuana.

Mahaharap ang suspek sa kasong paglabag sa Comprehensive Dangerous drugs Act of 2002.