Tropical storm ‘Surigae’ pumasok na sa PAR, tatawagin ngayong ‘Bising’

Nakapasok na ng Philippine Area of Responsibility (PAR) ang Severe Tropical Storm ‘Surigae’ at pinangalanan itong Bising.

Sa 7:00 am weather bulletin ng PAG-ASA, pumasok dakong alas-6:20 ng umaga ang bagyo.

Magdudulot ito ng mga pag-ulan na may kasamang pagkulog at pagkidlat dala ng trough o buntot ng bagyo sa maraming bahagi ng Mindanao sa darating na Sabado.

Sa kabisayaan, mararanasan ang bahagyang magkakaroon ng maulap hanggang maulap na panahon.

Ayon pa sa PAG-ASA, ang Luzon ay makararanas ng patas na panahon sa pangkalahatan at medyo maulap na kalangitan.

Hindi inaasahang tatama sa kalupaan ang bagyo pero may posibilidad na lumakas ito at umabot sa super typhoon level at tumaas sa Signal No. 3 sa mga lugar ng Samar Island at Bicol Region.