3 sugatan matapos mabangga ang sinasakyang motorsiklo sa aso

Sugatan ang tatlong katao matapos mabangga ng kanilang sinasakyang motorsiklo ang isang aso sa Brgy. Lawaan, Roxas City.

Kinilala ang mga biktima na sina Daren Medina, anak nito na si Lovely Joy Medina, mga residente Barangay 2, dito sa lungsod, at driver ng motorsiklo na si Jeric Billones ng Ilaya, Ivisan, Capiz.

Ayon sa report ng Roxas City PNP, binabaybay ng mga biktima ang kalsadahin sa Kilometer 2 patungong Roxas City proper nang aksidenteng mabangga ng kanilang motorsiklo ang isang aso.

Agad namang rumesponde ang Capiz Emergency Response Team (CERT) at Roxas City Emergency Response Team (RCERT) at isinugod ang mga ito sa ospital lara sa kaukulang paggamot.