LASING NA MOTORISTA, NADISGRASYA

Makato – Nawalan ng malay ang isang rider ng motorsiklo matapos maaksidente alas 10:00 kagabi sa Calangcang, Makato. Makato.

Nakilala ang biktimang si Rene Dela Cruz, sa legal na edad ng Poblacion, Makato.

Nabatid sa imbestigasyon ng Makato PNP na pauwi na noon galing sa Lezo ang biktima nang mag-over shoot sa kurbadang bahagi ng kalsada doon.

Resulta, sumemplang siya sa kalsada at wala nang malay pagdating ng mga taga MDRRMO Makato.

Bagama’t hindi umano ito nakitaan ng mga sugat sa katawan, kaagad parin siyang dinala sa ospital kung saan siya ginagamot ngayon.

Nabatid naman na nasa impluwensiya ng alak ang biktima nang mangyari ang insidente.