ACTIVITIES SA SAN JUAN SA KALIBO NGAYONG TAON, BAWAL MUNA!

Bawal muna ang anumang aktibidad may kaugnayan sa selebrasyon ng San Juan sa bayan ng Kalibo sa darating nga Hunyo 24, 2021.

Base ito sa ipinalabas na advisory ni Kalibo Mayor Emerson Lachica na may petsang Hunyo 14.

Kabilang sa ipinagbabawal ang paliligo o anumang pagtitipon sa mga baybayin, ilog, swimming pools ng mga hotels at resorts sa Kalibo.

Ito ay may kaugnayan pa rin sa umiiral na IATF Omnibus Guidelines sa implementasyon ng community quarantine sa bansa.

Ganundin ang pagbabawal sa pag-inom ng alak sa mga pampublikong lugar.

Layunin nito na mapigilan ang paglaganap ng nakakahawang sakit na CoViD-19.