Dalaga na nang hiram ng motorsiklo sa kabarkada, nakabangga ng kotse ng pulis

Sugatan ang 21 anyos na dalaga nang makabanggaan ang kotse sa Barangay Pakiad sa bayan ng Oton sa Iloilo, Biyernes ng hapon.

Ayon sa pulisya, hiniram lang ng dalaga ang dalang motorsiklo na Yamaha R3 320cc sa kaniyang kabarkada na lalaki.

Kinilala ang driver ng motorsiklo kay Rafaela Dejesa ng Guimbal, Iloilo.

Batay sa ulat, nag-overtake sa sinusundang truck ang biktima rason kung bakit nabangga ito sa Toyota Vios na minamaneho ni PMSgt. Janet Visuyan ng Deca 3. Pavia, Iloilo.

Dinala naman ang biktima sa Medical City Hospital at sa ngayon ay nasa maayos nang kalagayan.

(With reports from RMN Iloilo)