LASING, ARESTADO DAHIL SA PAGDADALA NG PATALIM

Malinao – Arestado alas 11:00 kagabi sa Sitio Mambog, Cabayugan, Malinao ang isang lasing dahil sa pagdadala nito ng patalim.

Nakilala ang naarestong si Argie Ibutnande, 32 anyos ng nasabing lugar.

Ayon sa Malinao PNP, rumesponde sila sa lugar dahil sa reklamong may nagsisigaw umano doon sa dis-oras ng gabi.

Bagama’t hindi naman umano siya ang nakilalang sumisigaw dahil madilim ang lugar, sinasabing nakasalubong ito ng mga pulis habang naglalakad na walang damit habang may hawak na itak at kutsilyo sa magkabilang kamay, rason na inaresto ito at ikinulong sa Malinao PNP.

Maliban dito, kinumpiska rin ang mga dala nitong patalim na gagamitin namang ebidensya sa kasong paglabag sa BP6 o Illegal Possession of Bladed Weapon na isasampa laban sa kanya ngayong araw.