LASING NA LUMABAG SA CURFEW, ARESTADO MATAPOS MAHULIHAN NG PATALIM

Malinao – Maliban sa paglabag sa curfew, arestado mag-aalas 10:00 kagabi sa Rosario, Malinao ang isang lasing matapos mahulihan ng patalim.

Nakilala ang naarestong si Heiko Rose, 27 anyos ng Bulabod, Malinao, na isang laborer.

Ayon sa Malinao PNP, nagpapatrolya sila kagabi nang maispatan ang naglalakad na suspek na tila nasa impluwensiya ng alak.

Kasunod nito, nilapitan nila ang suspek at doon narin umano nila nakita ang kutsilyo sa beywang nito, rason na kaagad nila itong kinumpiska.

Kaagad din nilang dinala sa presento ang suspek habang inihahanda ang kasong paglabag sa BP 6 o Illegal Possession of Bladed Weapon na isasampa sa kanya ngayong umaga.