4 ARESTADO SA ILEGAL NA SUGAL

Banga-Apat ang arestado alas 11:00 kagabi sa Linabuan Sur, Banga dahil sa ilegal na sugal sa isang lamay.

Nakilala ang mga naarestong na ‘caught in the act’ umano ng mga intel operatives ng Banga PNP na sina Nile Lachica, 36 anyos ng Libabuan Norte, Kalibo; Rocky Repedro, 38 anyos, Rodel Terera, 30 anyos, at Jovito Solano, 25 anyos, pawang residente naman ng Linabuan Sur, Banga.

Ayon sa Banga PNP, kaagad nilang ikinasa ang Anti-Illegal Gambling Operation matapos makumpirma ang nangyayaring sugal doon sa nasabing lamay.

Kasunod nito, naaktuhan umano ng mga pulis ang mga naaresto habang naglalaro ng pusoy.

Kaagad namang kinumpiska ang 1 set ng baraha at P520.00 na bet money o pusta, habang pansamantalang ikinustodiya ng Banga PNP ang mga suspek habang inihahanda ang kasong paglabag sa PD 1602 o Anti-Illegal Gambling Law na isasampa sa kanila ngayong araw.