Mister patay matapos malunod sa ilog sa Pilar, Capiz

Patay ang isang 51-anyos na mister matapos malunod sa ilog sa Sitio Balogo, Brgy. Dulangan, Pilar, Capiz.

Kinilala ang biktima na si Mario Catalan, residente ng nasabing lugar.

Ayon sa paunang imbestigasyon ng Pilar PNP, naganap ang insidente dakong alas-11 ng umaga nitong Biyernes habang naliligo sa ilog ang biktima.

Nadulas umano ang biktima at nabagok ang ulo sa bato dahilan ng kaniyang pagkalunod at pagkamatay.