TOP 1 MOST WANTED NG MALAY, TIKLO SA ILOILO

Boracay – Arestado ng Malay PNP sa Ajuy Iloilo ang Top 1 most Wanted sa Bayan ng Malay.

Ang akusado ay nakilalang si Edwin Villar Lamputi, 39 Anyos residente ng Brgy. Pantalan, Nabaye, Ajuy, Iloilo.

Inaresto ang akusado sa bisa ng kanyang Warrant of arrest sa kasong murder na may criminal case number 13890 na inihain ni Hon. Jemena L. Abellar Arbis Presiding Judge RTC Branch 6-Kalibo, Aklan noong September 2017.

Ayon sa Malay PNP, nangyari ang insidente July 2017 kung saan ang suspek ay involved sa isang property dispute sa Sitio Bolabog-Brgy. Balabag, Boracay kung saan nabaril nito at napatay ang biktimang si Reynold Serandin.

Naaresto ang nasabing akusado ng Malay PNP sa pangunguna ni Lt. Col. Don Decksie De Dios, Pilar MPS, at Ajuy MPS.

Walang piyansang inirekomenda ang korte para sa kanyang pansamantalang kalayaan.

Pansamantang nakakulong sa Malay PNP ang suspek at nakatakda namang i-turn over sa nasabing korte.