TATLO, ARESTADO SA ILLEGAL NA SUGAL

Nabas – Arestado ang tatlong sugarol dakong alas 4:30 kaninang hapon dahil sa illegal na sugal sa Brgy. Unidos, Nabas.

Ang mga naaresto ay nakilalang sina Perly Colorito 46 anyos, Elen Daza, 43 anyos at Yolanda Bantang, 52 anyos lahat residinte ng nasabing lugar.

Ayon sa Nabas PNP nahuli sa akto na naglalaro ng Tong-its sa Purok 5, Brgy Unidos, Nabas ang mga nasabing suspek.

Narekober ng mga pulis ang isang set ng baraha at perang nagkakahalaga ng 832 pesos.

Sa ngayon ay nasa kustodiya ng Nabas PNP ang mga suspek na mahaharap naman sa kasong paglabag sa Presidential Decree 1602 o Illlegal gambling law.