LALAKI, TINAGA NG LASING NA AMAIN

Batan – Sugat sa mukha ang tinamo ng isang lalaki matapos umanong tagain ng lasing na amain (step father) sa Angas, Batan.

Nakilala ang biktimang si Bernabe Lorena, 35 anyos at ang suspek na si Roger Borbon, 58 anyos, kapwa residente ng nasabing lugar.

Base sa imbestigasyon ng pulis, nagalit umano ang nagpapahinga na noong suspek sa ingay ng pinapatugtog ng kapitbahay kung kaya’t bumangon ito para sana puntahan ito at sawayin.

Subalit inawat umano ito ng biktima na ikinagalit naman ng suspek rason na kumuha ito ng patalim at tinaga ang biktima sa mukha.

Kaagad dinala sa ospital ang biktima habang naaresto naman ang suspek at kasalukuyang nasa kustodiya ng Batan PNP para sa karampatang disposisyon.