APAT, ARESTADO MATAPOS MAAKTUHANG NAGTO-TONG ITS

Apat ang arestado matapos maaktuhang nagto-tong its sa Tugas, Makato.

Bagama’t hindi na pinangalanan ni Makato PNP Chief, PMajor William Aguirre ang mga suspek, sinabi nito na kaagad nilang beniripika ang sumbong hinggil sa pagsusugal ng mga suspek sa loob ng isang bahay sa lugar.

Kasunod nito, kaagad ding ikinasa ang Anti-Illegal Gambling Operation na nagresulta sa pagkakaaresto ng mga suspek at pagkarekober ng mahigit P1,500.00 na pera, at 1 set ng baraha.

Pansamantalang ikinostodiya ang mga suspek na pawang kalalakihan habang inihahanda ang kasong paglabag sa PD 1602 o Anti-Illegal Gambling Laws na isasampa laban sa kanila.