BAGONG MINI DUMP TRUCK, SINALPOK NG WING VAN, DRIVER NAKA ICU

Nasa Intensive Care Unit (ICU) ngayon ng Aklan Provincial Hospital ang isang lalaking driver ng kabibila lang na mini dump truck matapos salpukin nang Wing Van kahapon sa Mambusao, Capiz.

Kinilala ang biktima na si Marlon Birol, 35 anyos, ng Brgy. Cortes, Balete.

Batay sa ulat, mula sa IloIlo ang biktima at ang kasama nitong tiyuhin para kunin ang bagong sasakyan nang makasalubong ng Wing van sa Mambusao habang pauwi.

Nawalan di umano ng kontrol sa manibela ang nagmamaneho ng Wing van dahilan ng banggaan.

Naipit ang biktima at nabali ang kaliwang paa nito, nagtamo rin sila ng maraming sugat sa iba’t-ibang bahagi ng katawan.

Agad silang dinala sa sa Mambusao District hospital at kalaunan ay inilipat sa Aklan Provincial Hospital.