LASING NA NANGGULO UMANO SA GRUPO NG NAG-IINUMAN, TINAGA

Sugatan ang isang 24 anyos na lasing matapos tagain alas 11:00 kagabi sa Osman, Malinao.

Nakilala ang biktimang si Joel Torrado ng nasabing lugar, habang hindi muna pinangalanan ng Malinao PNP ang 5 naarestong suspek.

Base sa inisyal na report ng pulis, lasing umano ang biktima nang pasukin nito ang bahay ni Rosito Flores, at bigla na lamang nanggulo doon.

Kasunod nito, sinasabing pinagtulungan ng 5 suspek ang biktima, subali’t blangko pa ang mga kapulisan sa kung saan o sino ang tumaga sa biktima, na ikinasugat nito sa kanang kamay.

Nabatid na mismong ang biktima at kapatid nito ang nagreport sa Malinao PNP ng insidente bago ito dinala sa pagamutan.

Nagpapatuloy pa ang imbestigasyon ng pulis sa insidente.