LALAKI, ARESTADO SA ILEGAL NA SABONG

TANGALAN – Inaresto ng Tangalan PNP ang isang lalaki \dahil sa ilegal na sabong bandang alas 2:00 kaninang hapon sa Sitio So-ong, Panayakan, Tangalan.

Kinilala ang suspek na si Ricardo Macahilas, 57 anyos ng Rivera, Ibajay na naaresto sa joint anti illegal gambling operation ng Tangalan PNP at Maritime Police.

Narekober sa suspek ang isang manok na panabong at Php 710.00 na bet money o pusta habang narekober naman sa lugar ang tatlong manok na panabong, tari, bayong at derby box.

Pansamantala siyang isinailalim sa kustodiya ng Tangalan PNP habang inihahanda ang kasong paglabag sa PD 449 o Cockfighting Law of 1974 na isasampa laban sa kanya.