IPIS, DINALA NG ISANG LALAKI SA BETERINARYO MATAPOS MAKITANG INJURED

Ano ang gagawin mo kapag nakakita ka ng ipis?

Marahil karamihan sa atin ay sisigaw at tatakbo.

Pero paano kapag nalaman mong ‘injured’ pala ang ipis?

Well, ibahin niyo ang isang lalaki mula sa Thailand dahil matapos niyang makita ang isang injured na ipis ay kaagad niya itong dinala sa isang beterinaryo.

Nasaksihan kasi ng lalaki na may aksidenting nakaapak sa ipis sa gilid ng kalsada at nahabag ito sa insekto kaya agad na dinala sa Sai Rak Animal Hospital.

Ayon kay Dr Thanu Limpapattanawanich, isang veterinarian mula sa Krathum Baen sa Thailand, nagkaroon umano siya ng kakaibang pasyente dahil sa dalang ‘injured’ na ipis ng naturang lalaki.

Ikinagulat pa ito ng doktor ngunit dahil sa ipinakitang pagkahabag ng lalaki sa ipis ay kaagad naman itong ginamot ng beterinaryo at hindi na siningil ang lalaki.

Samantala, hindi na rin nalaman kung naka-survive ba ang ipis, subalit, pinuri naman ng netizen ang lalaki sa kabutihang loob nito.