LALAKING PUGOT ANG ULO, NATAGPUAN SA BAYAN NG CALINOG

Isang bangkay ng lalaki na pugot ang ulo ang natagpuan sa Barangay, Tahing, Calinog, Iloilo kahapon ng hapon, Linggo.

Ayon kay PCapt. Dadjud Delima hepe ng Calinog Police Station, nasa advanced state of decomposition na o inaagnas ang bangkay ng lalaki.

Saad ng hepe, pinaalam sila ng Punong Barangay kaugnay sa nakitang bangkay.

Patuloy pa ang imbestigasyon sa pagkakakilanlan ng natagpuang bangkay na walang suot na pang itaas na damit at naka-maong na pantalon.

Tinatayang nasa 40 – 50 anyos ang edad ng lalaki batay sa kapulisan.