Paboritong alagang Arowana ni Mister na halos milyon ang halaga pinirito ni Misis 😭🐟

Dahil sa paulit-ulit na hindi nakikinig ang asawa sa kanyang Misis na linisin ang aquarium, napikon at pinrito ni Misis ang paboritong alagang Arowana ng kanyang Mister.

Sa isang viral na Tiktok Video na may 7.1 milyong views, makikita na may pinipritong isda ang isang Indonesian woman na si Mia Kurniawanna at may kasamang caption na:

“My husband always promises to clean the aquarium after I told him to, but he never did, so, I cleaned it myself.”

@miakurniawan01goreng arwana????##fyp♬ Singkong & Keju Cover – akhmal.dniel

Sa kanyang TikTok, pinakita niya rin na tinanggal niya ang kaliskis ng isda at nilagyan pa ng pampalasa.

“Imagine if it’s fried, it looks delicious,” sulat niya.

Ayon sa National Geographic na website, ang Asian Arowana o mas tinatawag na Dragon Fish ang pinakamahal na alagang isda sa buong mundo, kung saan ang halaga nito ay umaabot ng halos $300,000 o mahigit P15 milyon.

Sinasabi din na nagdadala ng pampaswerte at prosperity ang Dragon fish dahil sa kanilang shimmering red at gold scales, kaya ito ang pinaka-hinahangad na alagang isda.

Tinapos ni Mia ang video na pinapakita na luto na ang Arowana at sinabing “already cooked and ready to eat,” habang ginagawa ang Finger heart gesture o mas kilala bilang Korean heart na sign.