PUTOL NA PAA NG TAO, NATAGPUAN SA BRGY. POOK, KALIBO

Nagpapatuloy pa ang ginagawang imbestigasyon ng Kalibo PNP kaugnay sa nakitang putol na paa ng tao kaninang umaga sa Brgy. Pook, Kalibo.

Ayon kay Pook Brgy. Captain Ronald Marte, natagpuan ang putol na paa pasado alas-7:00 kaninang umaga na nakabalot ng gasa, sa dalampasigan sa pagitan ng Lambingan at Pier 1.

Agad naman itong ipinaalam ng mga residente sa mga opisyal ng nasabing barangay.

Possible umanong inanod  ito ng tubig  dulot ng malakas na ulan kahapon.

Matapos ang isinagawang pagsusuri ng SOCO at Municipal Health Office ay kaagad din itong nai-turn-over sa isang punerarya.