WANTED SA KASONG PAGPATAY SA DUEÑAS, ILOILO, ARESTADO SA CATICLAN, MALAY

Arestado sa Caticlan, Malay ang isang lalaking Top 1 Most Wanted Person sa Dueñas, Iloilo, sa kasong pagpatay.

Isinilbi ng mga pulis kay Rex Labtic, 61 anyos ng Fundacion, Dueñas, Iloilo ang kanyang warrant of arrest na may Criminal Case No. 09-4211 sa kasong Murder With the use of Firearm.

Kaagad naman siyang dinala ng Dueñas PNP at pansamantalang ikonostodiya para sa karampatang disposisyon.

Walang inirekomendang piyansa sa kanyang kaso.

Ayon naman sa Dueñas PNP, taong 2009 pa nagawa ni Labtic ang krimen, at April 27, 2012 naman bumaba ang kanyang warrant of arrest na pirmado ni Hon.Vicente V.Go, Presiding Judge, RTC 6th Judicial Region, Branch 68, PD Monforth North, Dumangas, Iloilo.

Nabatid na inaresto si Labtic kahapon ng mga taga Dueñas PNP at support group ng 2nd Aklan Provincial Mobile Force Company.