MOST WANTED SA CAPIZ SA KASONG MURDER NAARESTO SA PALAWAN

Arestado ang isang 43-anyos na lalaki na tinuturing na Most Wanted Person sa Roxas City, Capiz sa kasong Double Murder.

Naaresto ang suspek dakong alas-4:30 ng hapon sa Coron, Palawan.

Kinilala ang akusado na si Rodulfo Calanugan y Bulala, 43 yrs old, construction worker, tubong Brgy. Dumolog, Roxas City, Capiz at temporaryong nakatira sa Coron, Palawan.

May patong sa ulo na Php90,000 ang akusado base sa Memorandum Circular No. 2021 ng DILG.

Inaresto ng kapulisan ang akusado sa kasong Double Murder na nilagdaan at nilabas ni Judge Edward Contreras, ng RTC, Branch 19, Roxas City noong January 6, 2005.

Walang pyansa na itinakda ang korte para sa temporaryong paglaya ng akusado.

Ang ang operasyon ay ikinasa ng pinagsamang mga tauhan ng Roxas City CPS, ISOD, RIU 4B (led unit), Coron MPS at EPD DID NCRPO.

Nakakulong ang akusado sa Coron PNP Station sa Palawan para sa kaukulang disposisyon.