Food service crew sinaksak ng tricycle driver, sugatan

Sugatan ang isang food service crew matapos saksakin ng isang tricycle driver sa Brgy. Sibaguan, Roxas City gabi ng Sabado.

Kinilala ang biktima na si John Mar Mesa, habang kinilala naman ang suspek na si Michael Anonat, 38-anyos, parehong mga residente ng nasabing barangay.

Ayon sa inisyal na imbestigasyon ng Roxas City PNP, nagkaroon ng pagtatalo ang magkabilang panig nang kumuha ng ice pick ang suspek at sinaksak ang biktima.

Nagtamo ng sugat sa magkabilang balikat ang biktima na agad namang isinugod sa ospital para gamotin.

Nahuli namang ng rumurondang mga tanod ang suspek at dinala sa Roxas PNP kung saan nakakulong ito ngayon sa kanilang istasyon.

Nabatid na parehong nasa impluwensiya ng nakalalasing na inumin ang dalawa nang maganap ang isidente.