MISIS, SINAKSAK SA LALAMUNAN NI MISTER, PATAY

Dead on arrival sa ospital ang isang misis matapos saksakin sa lalamunan ng sariling mister bandang alas 10:00 kaninang umaga sa Ati Village, Bulwang, Numancia.

Nakilala ang biktimang si Lovely Suarez, 37 anyos, habang nakikala naman ang suspek na kanyang mister na si Andres Suarez, 39 anyos ng Dueñas, Iloilo.

Base sa imbestigasyon ng pulis, alas 8:00 pa lamang kaninang umaga nang mag-inuman ang dalawa sa bahay ng kanilang tiyuhin.

Bandang alas 10:00 naman umano nang magtalo ang dalawa matapos magbiro ang misis sa mister na merun itong ibang lalaki, rason na bumunot ito ng patalim at sinaksak sa lalamunan ang misis.

Isinugod pa sana sa ospital ang biktima subali’t hindi na ito umabot ng buhay, habang arestado naman at nasa kostodiya ng Numancia PNP ang suspek para sa karampatang disposisyon.

Samantala, sinabi naman ng mister na tinutukan lamang niya ng kutsilo sa leeg ang kanyang misis, subali’t tinapik umano ng biktima ang kanyang kamay rason na bumaon ang kutsilyo sa kanyang lalamunan.