Magsasaka patay matapos malunod sa tubig-baha sa Sigma, Capiz

Patay ang isang 63-anyos na magsasaka matapos malunod sa tubig-baha sa Brgy. Cogon, Roxas City gabi ng Martes.

Kinilala ang biktima na si Oscar Jantolos, residente ng nasabing barangay.

Batay sa report ng Sigma PNP, nanghiram umano ng maliit na bangka ang biktima sa kaniyang kapitbahay na si Richard Japsay.

Rason ng biktima gagamitin niya ito para makatawid at makapanghiram ng bigas kay alyas Jun-Jun sa Sitio Alimbayod, Brgy. Dayhagon.

Makaraang ang ilang sandali, nakita nalang umano ang bangka sakay biktima na bumangga sa isang puno ng saging at tumaob ang bangka sa binabaha na palayan.

Sinaklolohan naman ng ilang residente ang biktima na nasa impluwensiya ng nakalalasing na inumin nang maganap ang insidente.

Dinala pa sa Sen. Gerardo Roxas District Hospital sa Dao, Capiz ang biktima pero dineklara itong dead on arrival.