RIDER NG MOTORSIKLO, SUGATAN MATAPOS MAAKSIDENTE DAHIL SA MADULAS NA DAAN

Sugatan ang isang rider ng motorsiklo matapos maaksidente bandang alas 3:50 kaninang hapon sa Sitio Saugan, Tambak, New Washington.

Nakilala ang biktimang si Randy Tupaz, 42 anyos ng Jugas, New Washington.

Base sa inisyal na imbestigasyon ng kapulisan, galing sa Poblacion, New Washington papuntang Jugas ang biktima nang mawalan ito ng kontrol sa manibela dulot ng madulas na daan.

Sinubukan pa umano nitong magpreno, subali’t sumemplang ito sa kalsada at nagtamo ng mga sugat sa katawan.

Kaagad naman siyang dinala sa provincial hospital kung saan siya kasalukuyang ginagamot.

Nakumpirma naman sa report na hindi nakainom ng alak ang biktima nang mangyari ang insidente.