MAKATO SB MEMBER NILO AMBOBOYOG, INIREKLAMO NG PANINIRANG PURI NI MAKATO FORMER SB MEMBER MARCOSA RUSIA

Inireklamo ng Grave Oral Defamation o paninirang-puri ni dating Makato SB Member Marcosa Rusia si Makato SB member Nilo Amboboyog matapos sabihin nitong “ueagan” (malandi) si Rusia na nangyari sa isang birthday party noong Byernes ng hapon sa Brgy. Poblacion, Makato.

Personal na ipina blotter ni Rusia ang nasabing insidente kasama si Josephine Paquingan ang siyang nakasaksing pangyayari.

Ayon sa salaysay ni Josephine Paquingan, residente ng Pob. Makato, mga alas 6 ng gabi habang kumakain umano sila sa birthday party ni Teresita Tenazas, personal niyang narinig si Salvador “Badong” Tenazas na dati ring Makato SB member na tinanong si Amboboyog ng “Ano ngani mana Nil si Cosing?” (Ano nga Nil si Cosing) at sinagot umano ito ni Amboboyog na “ueagan” (malandi). Dalawang beses umano itong sinabi paulit-ulit nina Tenazas at Amboboyog habang tumatawa.

Inirefer naman ito ng kapulisan sa brgy para sa karampatang disposisyon.