LALAKI NA MAGSISIMBA SUGATAN MATAPOS SAKSAKIN SA DUMARAO, CAPIZ

Sugatan ang isang lalaki matapos saksakin sa Brgy. Poblacion Ilaya, Dumarao, Capiz dakong alas-3:00 ng umaga nitong Martes.

Kinilala ang biktima na si Efren Patino, residente Poblacion Ilawod sa nasabing bayan.

Ayon sa salaysay ng kaniyang kapatid na si Elena Quintero sa Dumarao PNP, pupunta sanang simbahan ng Iglesia Ni Cristo ang nasabing biktima nang siya ay saksakin ng hindi pa nakikilalang mga suspek.

Isinugod sa Dumarao Medicare ang nasabing biktima at nirefer din kalaunan sa Roxas Memorial Provincial Hospital para sa karagdagang paggamot.

Ayon sa asawa ng biktima, nagtamo ng saksak sa kaniyang likuran. Aniya, mayroon umanong mental disorder ang nasbaing biktima.

Patuloy ang imbestigasyon ng kapulisan sa insidente.