DAHIL UMANO SA SELOS, DALAGITA, NAGBIGTI-PATAY

TRIGGER WARNING!

Matapos umano ang ilang beses na pagtangkang pagpapakamatay, hindi na napigilan kahapon ng kanyang pamilya ang isang dalaga na tapusin ang sariling buhay sa pamamagitan ng pagbigti sa loob mismo ng kanilang palikuran.

Base sa imbestigasyon ng pulis, natuklasan na lamang ng nakababatang kapatid ng biktima ang insidente pasado alas 3:00 kahapon ng hapon.

Kaagad naman umanong nagsumbong sa kanilang lola ang bata at doon kinuha ang katawan ng dalaga at kaagad dinala sa ospital, kung saan siya idineklarang dead on arrival.

Base pa sa imbestigasyon ng pulis, kahapon ng umaga nang mag-away ang dalaga at kanyang nobyo, kung saan sinasabing ayaw payagan ng biktima na umalis ang kanyang nobyo, at posible rin umanong may pinagseselosan ito sa hindi nalamang dahilan.

Samantala, nabatid na ilang beses na rin umanong magtangka ang dalaga na magpakamatay, subali’t naabutan ng kanyang pamilya.