2 MOTORSIKLO NAGBANGGAAN SA PANITAN, CAPIZ; 3 SUGATAN

Sugatan ang tatlo katao matapos magbanggaan ang dalawang motorsiklo sa Brgy. Salocon, Panitan, Capiz.

Kinilala ang mga biktima na sina Romel Dela Cruz, 32-anyos, residente ng Brgy. Adlawan, Roxas kasama ang backrider nito na kinilala namang si Genjie Camacho, 36, ng Km2. Lawaan, Roxas City.

Kinilala naman ang driver suspect na si Jobert Manzano, 42, residente ng Brgy. Salocon, Panitan.

Ayon sa imbestigasyon ng Panitan MPS, mula sa bayan ng Maayon ang dalawang biktima at papunta sanang Roxas City sakay ng motorsiklo nang maganap ang insidente.

Pagdating sa kurbadang bahagi ay nabangga sila ng kasalubong na motorsiklo na menamaneho ng suspek.

Nagtamo ng sugat ang tatlo at dinala sa magkahiwalay na ospital para sa kaukulang paggamot.

Nabatid na nasa impluwensiya ng nakalalasing na inumin ang suspek nang maganap ang insidente.