DOH, NILINAW NA WALA PANG NAITALANG KASO NG IHU, DELTACRON/DELMICRON, FLURONA VARIANTS SA PILIPINAS

Nilinaw ng Department of Health na wala pang naitalang kaso ng COVID-19 variants na IHU at Deltacron o Delmicron sa Pilipinas.

Ito ang pahayag ng Department of Health habang patuloy na pinag-aaralan ng mga local experts ang nasabing variants.

“Currently, no recorded cases here in the Philippines. Our experts are still studying this,” pahayag ng DOH.

Nilinaw ng ahensya na ang World Health Organization (WHO) lang ang may otoridad na maka-validate ng COVID-19 variants na IHU, Deltacron at Flurona.

Ang WHO lang din ang makapagsasabi kung Variants under Monitoring (VUM), Variants of Interest (VOI), o Variants of Concern (VOC) ang mga ito.

“In line with the recent reports regarding alleged variants of COVID 19 – Deltacron/Delmicron, flurona, and IHU variants, the Department of Health would like to clarify that the World Health Organization (WHO) is the sole authority to validate these variants and to determine if it is a Variant under Monitoring (VUM), Variant of Interest (VOI), or Variant of Concern,” saad ng DOH.

Ayon kay Infectious disease expert Dr. Edsel Salvana, ang Flurona ay kombinasyon ng Influenza virus at COVID-19.

Samantala ang IHU variant naman ay may 46 mutations na natuklasan sa France.

Ang Deltacron o Delmicron naman ay na-detect sa Cyprus na isang bagong strain na kombinasyon ng Delta at Omicron.